EUR\USD
عضو متميز
|الجنس| : 
عدد المساهمات : 226
نقاط : 681
تاريخ التسجيل : 10/10/2011
 |  موضوع: التسويق الشبكى, مواصفات الشركة المناسبة  الثلاثاء يونيو 19, 2012 2:01 pm | |
|
التسويق الشبكى, التسويق الألكترونى, شركات التسويق الشبكى, التسويق الشبكي كويست نت, كيو
نت مصر, شركه كويست نت, الربح من الانترنت
التسويق الشبكى, مواصفات الشركة المناسبة
السلام عليكم ... زى ما انا كاتب فى
العنوان كده .. المقال دا هيكون مخصوص .. لـ الشركات .. ازاى تختار الشركه
الى تنضم ليها وتعمل بزنس فيها وتنجح والناس الى معاك تنجح هيا كمان .
فى الفترة الاخيرة .. قام الكثير من الشباب .. بالتحدث معى عبر حساب الفيس
بوك الخاص بي .. او الائيميل .. بحكم عملى ف التسويق عموما .. يسألونى ..
ما رائيك فى شركة X او شركة Z .. ويفاجؤو بأن الاجابه .. اعمل بها الان لو
ميهمكش مصلحة بلدك .. ويبدأو بطرح السؤال المعتاد .. هوا انا هضر البلد فى
ايه لو اشتغلت فيها ؟
وابدا انا كالعاده اشرح الى شرحته هنا قبل كده ( أضغط هنـا ) .. وبعدين
يسألونى طيب نشتغل فى شركة ايه ؟ انا مش هقولك اشترك فى الشركه دى بعينها
او دى بعينها انا هقولك ايه الشروط والمواصفات الى لازم تتوفر فـ الشركه
الى تشتغل فيها
اولا :. المنتج :.
- قبل ما تدخل وتعمل تسجيل فى شركة ما .. أسال الاول عن المنتج .. هيا
الشركه دي بتبيع ايه بالظبط ؟ ( وانا مالى يعم بالمنتج انا جاى اكسب ) ..
غلط .. فى الفيديو دا الى موجود على يمينك فى المدونة .. وانا بشرحلك الفرق
بين التسويق التقليدى والتسويق الشبكى .. قولت شركه ما تسوق مثلا سيارات
.. عدد السيارات المباعة فى التسويق التلقيدى اقل بكتير من التسويق الشبكى
... لاحظت ان جبت سيره منتج ( السياره ) لو شركه التسويق الشبكى الى حضرتك
عاوز تنضم ليها معندهاش منتج تمسكه ف ايدك .. ابعد عنها بشركه دى اسمها (
التسويق الهرمى أدخل هنا مقال يشرح التسويق الهرمى ) .
- أسال نفسك .. هوا المنتج دا مهم .. هتستفاد منه .. ولا انتا هتاخده ترميه
كده وخلاص ؟ اسال نفسك .. صح الى انتا بتعمله دا ؟ انتا مرتاح من جواك ؟
طيب انتا ارتاحت للمنتج ولسعره .. تفتكر ممكن تقدر تكون شبكه كاملة من
الناس .. تاخد نفس المنتج دا .. وتستريحله وتستفاد منه زيك ؟ لو لقيت
أجابات واضحة وصريحة للأسئلة دى .. توكل ع الله .
ثانيا :. الشركة :.
مش معنى ان الشركة منتشره واسمها ع كل لسان يبقا الشركة دى ممتازه وقويه
فعلا وهتحقق من خلالها نجاح .. لا بالعكس .. شركات كتير كانت منتشرة والناس
بتتكلم عنها .. ووقعت مره واحده لضعف السيستم بتاعها .. او فريق الاداره
الخاص بيها .. قبل ما تشترك فـ الشركة .. اسال الاول .. هيا الشركة دى
مرخصة ولا لا ؟ طيب هل هيا لو بتعمل فى مصر مثلا .. بتدفع ضرايب للحكومه
المصرية ؟ طيب هيا مراقبه ؟؟ طيب لو حصل مشاكل والشركه مثلا لا قدر الله
قفلت .. وانتا لسه داخل . تفتكر ممكن تقدر تجيب حقك ؟ طيب هل الشركة دى
عليها رقابه قانونيه ولا شغاله كده وخلاص ؟
وكمان في حاجات مهمه لازم تتوفر فى الشركة دى :.
اولا :. ان كل عضو فى الشركه يكون له الحق فـى
بيع المنتجات دون أجبار الناس انها تدخل الشبكه وتشتغل وتكون شبكات هما
كمان .. والله انا راجل مسوق .. معايا منتجات معينه .. جالى واحد حابب
يشترى المنتج بسي ميدخلش البزنس .. اوكى اتفضل .
ثانيا :. ان توفر الشركه تدريبات واجتماعات بشكل
دورى ومستمر لتحديث معلومات الاعضاء عن الشركه واخبارهم بكل ما هو جديد
وتعليمهم فنون التسويق والتنمية البشرية .. وليس بمجرد ان العضو يدخل
الشركه ويدفع الاشتراك .. ينسى ويهمل
ثالثا :. ان تدفع الشركة العمولات بشكل دورى
ومستمر وتوفير اكثر من طريقة لسحب الارباح ( التحويل البنكى ) وان يكون دفع
الارباح او سحبها بعد نزولها فى السيستم بعد 24 ساعة على الاقل .
رابعا :. الموقع الرسمى للشركة .. قبل ان تقوم
بالاشتراك والدخول مع احد المسوقيين الشبكيين الذين قامو بعرض فرصه ما عليك
.. عليك ان تقوم بالدخول على موقع الشركه الرسمى والتاكد من كل كلمه قالها
لك هذا المسوق من خدمات ومنتجات وعمولات .. حتى تتاكد ان كل كلمه قالها
صحيحه وليس كذب حتى يجعلك تسجل معه .
خامسا :. الدعم من الشركة .. تاكد من ان الشركه
توفر لك ولكل الاعضاء وسيلة ما تجعلك فى حدوث اى مشكله لك فى العمل او مع
المشتركين او مع الابلاين .. ان تتصل بها بشكل مباشر دون المرور باي وسيط
وابلاغهم بمشكله حتى تعمل وانت مطمئن ان اداره الشركه مهتمه بك وتساعدك على
اداء عملك بشكل احسن .
سادسا :. الأبلاين .. الابلاين فى عالم التسويق الشبكى
يعنى الشخص المروج لى او الذى عرض علي الفكره وسجلت من خلاله .. اعقد مع
الابلاين الخاص بك اكثر من جلسة قبل ان تنضم الى الشركه وتكلم معه فى اى شي
البزنس - الشركة - المجال عموما .. واعرف ما هيا طموحاته وما الذى يريد ان
يصل اليه وماذا يمثل التسويق الشبكى بالنسبة له وتابع كلاماته .. وبعدها قرر ماذا تفعل .. هل تنضم معه وتكون شريكه فى العمل ام لا ..
سابعا :. العمولات , هل خطة العمولات المطروحة من
الشركه .. مفيده بالنسبه لك . مرضيه بالنسبه لك ولمجهودك ام لا .. لا تعمل
فى شركه وانت تنظر الى خطة العمولات نظره سيئة .. فكل ما تحس به كعضو
ستنقله بشكل غير تلقائي الى كل من تتحدث معه فيما بعد .. ومن الممكن ان
تنهار شبكتك لمجرد ان الابلاين الخاص بالشبكه غير راضى عن مكأفاه الشركه
للاعضاء .
التسويق الشبكى, التسويق الألكترونى, شركات التسويق الشبكى, التسويق الشبكي كويست نت, كيو
نت مصر, شركه كويست نت, الربح من الانترنت | |
|
